ಬೆಂಗಳೂರು: ರಾಜ್ಯದ ಲಕ್ಷಾಂತರ ಕಟ್ಟಡ ಕಾರ್ಮಿಕರ ಪಾಲಿಗೆ ಕರ್ನಾಟಕ ಸರ್ಕಾರ ಸಿಹಿ ಸುದ್ದಿ ನೀಡಿದೆ. ಕಾರ್ಮಿಕರ ವೃದ್ಧಾಪ್ಯ ಜೀವನಕ್ಕೆ ಭದ್ರತೆ ನೀಡಲು ‘ಕಟ್ಟಡ ಮತ್ತು ಇತರೆ ನಿರ್ಮಾಣ ಕಾರ್ಮಿಕರ ಕಲ್ಯಾಣ ಮಂಡಳಿ’ ವತಿಯಿಂದ ಆಕರ್ಷಕ ಪಿಂಚಣಿ ಹಾಗೂ ಆರ್ಥಿಕ ನೆರವಿನ ಯೋಜನೆಗಳನ್ನು ಜಾರಿಗೆ ತರಲಾಗಿದೆ.
ಇದನ್ನು ಮಿಸ್ ಮಾಡದೇ ಓದಿ : ಹಾಸನ : ಕೆಎಸ್ಆರ್ಟಿಸಿ ಬಸ್ ತಡೆದು ಚಾಲಕನ ಮೇಲೆ ಹಲ್ಲೆ; ಪ್ರಮುಖ ಆರೋಪಿ ಅರೆಸ್ಟ್!
ಯಾರಿಗೆ ಎಷ್ಟು ಪಿಂಚಣಿ ಸಿಗಲಿದೆ : ಕಾರ್ಮಿಕರ ಹಿತದೃಷ್ಟಿಯಿಂದ ಮಂಡಳಿಯು ಈ ಕೆಳಗಿನಂತೆ ಮಾಸಿಕ ಧನಸಹಾಯ ನೀಡುತ್ತಿದೆ.
ವೃದ್ಧಾಪ್ಯ ಪಿಂಚಣಿ : 60 ವರ್ಷ ತುಂಬಿದ ನೋಂದಾಯಿತ ಕಾರ್ಮಿಕರಿಗೆ ಪ್ರತಿ ತಿಂಗಳು ₹3,000 ಪಿಂಚಣಿ.
ಕುಟುಂಬ ಪಿಂಚಣಿ : ಕಾರ್ಮಿಕನ ಮರಣಾನಂತರ ಅವರ ಪತ್ನಿ ಅಥವಾ ಪತಿಗೆ ತಿಂಗಳಿಗೆ ₹1,500 ನೆರವು.
ಅಂಗವಿಕಲತೆ ಪಿಂಚಣಿ : ಅಪಘಾತ ಅಥವಾ ಕಾಯಿಲೆಯಿಂದ ಅಂಗವಿಕಲತೆ ಹೊಂದಿದವರಿಗೆ ಮಾಸಿಕ ₹2,000 ಜೊತೆಗೆ ₹2 ಲಕ್ಷದವರೆಗೆ ಸಹಾಯಧನ.
ಕಾರ್ಮಿಕರ ಕುಟುಂಬಕ್ಕೆ ಸಿಗುವ ಇತರೆ ಸೌಲಭ್ಯಗಳು:
ಕೇವಲ ಪಿಂಚಣಿ ಮಾತ್ರವಲ್ಲದೆ, ಕಾರ್ಮಿಕರ ಜೀವನಮಟ್ಟ ಸುಧಾರಿಸಲು ಹಲವು ಸೌಲಭ್ಯಗಳಿವೆ:
ಕಲಿಕೆ ಭಾಗ್ಯ: ಮಕ್ಕಳ ವಿದ್ಯಾಭ್ಯಾಸಕ್ಕೆ ₹2,000 ದಿಂದ ₹30,000 ವರೆಗೆ ಶೈಕ್ಷಣಿಕ ಧನಸಹಾಯ.
ತಾಯಿ ಲಕ್ಷ್ಮೀ ಬಾಂಡ್: ಮಹಿಳಾ ಕಾರ್ಮಿಕರ ಹೆರಿಗೆ ಸಮಯದಲ್ಲಿ ₹50,000 ಸಹಾಯಧನ.
ಮದುವೆ ಭಾಗ್ಯ: ಕಾರ್ಮಿಕರ ಅಥವಾ ಅವರ ಮಕ್ಕಳ ಮದುವೆಗೆ ₹50,000 ಆರ್ಥಿಕ ನೆರವು.
ಟೂಲ್ಕಿಟ್ ಸಹಾಯ: ಕೆಲಸಕ್ಕೆ ಅಗತ್ಯವಾದ ಆಧುನಿಕ ಉಪಕರಣ ಖರೀದಿಸಲು ₹20,000 ಧನಸಹಾಯ.
ಅರ್ಜಿ ಸಲ್ಲಿಸಲು ಅರ್ಹತೆಗಳೇನು?
ಮಂಡಳಿಯಲ್ಲಿ ಕನಿಷ್ಠ 3 ವರ್ಷ ನಿರಂತರವಾಗಿ ನೋಂದಾಯಿತ ಫಲಾನುಭವಿಯಾಗಿರಬೇಕು.
ವರ್ಷಕ್ಕೆ ಕನಿಷ್ಠ 90 ದಿನ ನಿರ್ಮಾಣ ಕೆಲಸ ಮಾಡಿರಬೇಕು.
60 ವರ್ಷ ವಯಸ್ಸಾಗಿರಬೇಕು (ಪಿಂಚಣಿ ಪಡೆಯಲು).
ನೋಂದಣಿ ಮತ್ತು ನವೀಕರಣ ಮಾಡುವುದು ಹೇಗೆ?
ನೀವು ಹೊಸದಾಗಿ ನೋಂದಣಿ ಮಾಡಿಕೊಳ್ಳಲು ಅಥವಾ ಕಾರ್ಡ್ ನವೀಕರಿಸಲು ಮಂಡಳಿಯ ಅಧಿಕೃತ ವೆಬ್ಸೈಟ್ಗೆ ಭೇಟಿ ನೀಡಬಹುದು: ವೆಬ್ಸೈಟ್: karbwwb.karnataka.gov.in
ಅಗತ್ಯ ದಾಖಲೆಗಳು : ಆಧಾರ್ ಕಾರ್ಡ್, ಬ್ಯಾಂಕ್ ಪಾಸ್ ಬುಕ್, ಭಾವಚಿತ್ರ, ಮತ್ತು ವಾರಸುದಾರರ ಪ್ರಮಾಣ ಪತ್ರ (ಮರಣದ ಸಂದರ್ಭದಲ್ಲಿ).
ಪ್ರಮುಖ ಸೂಚನೆ: ಪ್ರತಿಯೊಬ್ಬ ಕಾರ್ಮಿಕರು ತಮ್ಮ ನೋಂದಣಿಯನ್ನು ಪ್ರತಿ 3 ವರ್ಷಕ್ಕೊಮ್ಮೆ ಕಡ್ಡಾಯವಾಗಿ ನವೀಕರಿಸಬೇಕು. ಇಲ್ಲದಿದ್ದರೆ ಸೌಲಭ್ಯಗಳು ರದ್ದಾಗುವ ಸಾಧ್ಯತೆ ಇರುತ್ತದೆ. ಸಹಾಯವಾಣಿ ಸಂಖ್ಯೆ: ಹೆಚ್ಚಿನ ಮಾಹಿತಿಗಾಗಿ 080-29753078 ಸಂಖ್ಯೆಗೆ ಕರೆ ಮಾಡಬಹುದು.
Bumper offer for construction workers: ₹3,000 pension every month, scholarships for children! How to apply?
