ಭಾರತೀಯ ಸ್ಮಾರ್ಟ್ಫೋನ್ ಮಾರುಕಟ್ಟೆಯಲ್ಲಿ ಇತ್ತೀಚೆಗೆ ಸ್ವಲ್ಪ ಮಟ್ಟಿನ ಕುಸಿತ ಕಂಡುಬಂದಿದೆ. ಕೌಂಟರ್ಪಾಯಿಂಟ್ ಸಂಶೋಧನಾ ಸಂಸ್ಥೆಯ ವರದಿಯ ಪ್ರಕಾರ, 2026 ರ ಮೊದಲ ಒಂಬತ್ತು ವಾರಗಳಲ್ಲಿ ಮೊಬೈಲ್ ಮಾರಾಟವು ಕಳೆದ ವರ್ಷಕ್ಕಿಂತ ಶೇ. 9 ರಷ್ಟು ಇಳಿಕೆಯಾಗಿದೆ. ಮೆಮೊರಿ ಚಿಪ್ಗಳ ಬೆಲೆ ಏರಿಕೆಯಿಂದಾಗಿ ವಿವೋ ಮತ್ತು ಒಪ್ಪೋದಂತಹ ಕಂಪನಿಗಳು ತಮ್ಮ ಫೋನ್ಗಳ ಬೆಲೆ ಹೆಚ್ಚಿಸಿರುವುದು ಇದಕ್ಕೆ ಮುಖ್ಯ ಕಾರಣ ಎನ್ನಲಾಗಿದೆ.
ಆದರೆ, ಈ ಮಾರಾಟದ ಕುಸಿತದ ನಡುವೆಯೂ ಸ್ಮಾರ್ಟ್ಫೋನ್ ಪ್ರಿಯರಿಗೆ ಈ ವಾರ ಭರ್ಜರಿ ಹಬ್ಬ ಕಾದಿದೆ. ಏಪ್ರಿಲ್ ಮೊದಲ ವಾರದಲ್ಲೇ ಐಕ್ಯೂ (iQOO), ರಿಯಲ್ಮಿ (Realme), ವಿವೋ (Vivo) ಮತ್ತು ರೆಡ್ಮಿ (Redmi) ಕಂಪನಿಗಳು ತಮ್ಮ ಹೊಸ ಮಾದರಿಗಳನ್ನು ಮಾರುಕಟ್ಟೆಗೆ ಪರಿಚಯಿಸುತ್ತಿವೆ. ಆ 4 ಫೋನ್ಗಳ ಸಂಪೂರ್ಣ ವಿವರ ಇಲ್ಲಿದೆ:
1. ಐಕ್ಯೂ 15 ಅಪೆಕ್ಸ್ (iQOO 15 Apex)
*ಐಕ್ಯೂ ಕಂಪನಿಯ ಈ ಪ್ರೀಮಿಯಂ ಫೋನ್ ಇಂದು (ಏಪ್ರಿಲ್ 1) ಮಧ್ಯಾಹ್ನ 12 ಗಂಟೆಗೆ ಬಿಡುಗಡೆಯಾಗುತ್ತಿದೆ.
*ಪ್ರೊಸೆಸರ್: ಇದು ಸ್ನಾಪ್ಡ್ರಾಗನ್ 8 ಎಲೈಟ್ ಜನರೇಷನ್ 5 ಪ್ರೊಸೆಸರ್ ಹೊಂದಿದ್ದು, 4 ಮಿಲಿಯನ್ಗಿಂತಲೂ ಅಧಿಕ AnTuTu ಸ್ಕೋರ್ ದಾಖಲಿಸಿದೆ.
*ಡಿಸ್ಪ್ಲೇ: 2K M14 OLED ಸ್ಕ್ರೀನ್ ಮತ್ತು ಗೇಮಿಂಗ್ಗಾಗಿ ಸೂಪರ್ ಕಂಪ್ಯೂಟಿಂಗ್ Q3 ಚಿಪ್ ಅಳವಡಿಸಲಾಗಿದೆ.
*ಕ್ಯಾಮೆರಾ: ಇದರಲ್ಲಿ 50 ಮೆಗಾಪಿಕ್ಸೆಲ್ ಪೆರಿಸ್ಕೋಪ್ ಕ್ಯಾಮೆರಾ ಇರಲಿದೆ.
*ಅಪ್ಡೇಟ್: ಈ ಫೋನ್ಗೆ 5 ವರ್ಷಗಳ OS ನವೀಕರಣ ಮತ್ತು 7 ವರ್ಷಗಳ ಭದ್ರತಾ ನವೀಕರಣ ಸಿಗಲಿದೆ.
2. ರಿಯಲ್ಮಿ 16 5G (Realme 16 5G)
*ರಿಯಲ್ಮಿ ತನ್ನ ಹೊಸ 16 ಸರಣಿಯ ಫೋನ್ ಅನ್ನು ಏಪ್ರಿಲ್ 2 ರಂದು ಮಧ್ಯಾಹ್ನ 12 ಗಂಟೆಗೆ ಬಿಡುಗಡೆ ಮಾಡಲಿದೆ.
*ವಿಶೇಷತೆ: ಇದು ‘ಸೆಲ್ಫಿ ಮಿರರ್’ ಫೀಚರ್ ಹೊಂದಿರುವ ಭಾರತದ ಮೊದಲ ಫೋನ್ ಎಂಬ ಹೆಗ್ಗಳಿಕೆ ಪಾತ್ರವಾಗಿದೆ.
*ಬ್ಯಾಟರಿ: ಬರೋಬ್ಬರಿ 7000 mAh ಸಾಮರ್ಥ್ಯದ ದೊಡ್ಡ ಬ್ಯಾಟರಿ ಇದರಲ್ಲಿದೆ.
*ಕ್ಯಾಮೆರಾ: ಮುಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಮತ್ತು ಹಿಂಭಾಗದಲ್ಲಿ 50 ಮೆಗಾಪಿಕ್ಸೆಲ್ ಸೋನಿ ಸೆನ್ಸರ್ ಕ್ಯಾಮೆರಾ ನೀಡಲಾಗಿದೆ.
3. ವಿವೋ V70 FE (Vivo V70 FE)
*ಫೋಟೋಗ್ರಫಿ ಪ್ರಿಯರಿಗಾಗಿ ವಿವೋ ಏಪ್ರಿಲ್ 2 ರಂದು V70 FE ಮಾದರಿಯನ್ನು ಬಿಡುಗಡೆ ಮಾಡುತ್ತಿದೆ.
*ಕ್ಯಾಮೆರಾ: ಮುಖ್ಯ ಆಕರ್ಷಣೆಯೇ ಇದರ 200 ಮೆಗಾಪಿಕ್ಸೆಲ್ ಪೋರ್ಟ್ರೇಟ್ ಕ್ಯಾಮೆರಾ. ಇದರೊಂದಿಗೆ 50 ಮೆಗಾಪಿಕ್ಸೆಲ್ ಸೆಲ್ಫಿ ಕ್ಯಾಮೆರಾ ಕೂಡ ಇದೆ.
*ತಂತ್ರಜ್ಞಾನ: ಇದು ‘ಡಾರ್ಕ್ನೆಸ್ ಗ್ಲೋ’ ತಂತ್ರಜ್ಞಾನ ಹೊಂದಿರುವ ವಿವೋದ ಮೊದಲ ಫೋನ್ ಆಗಿದೆ.
*ಚಾರ್ಜಿಂಗ್: 7000 mAh ಬ್ಯಾಟರಿ ಹಾಗೂ 90W ವೇಗದ ಚಾರ್ಜಿಂಗ್ ಬೆಂಬಲ ಇದರಲ್ಲಿದೆ.
4. ರೆಡ್ಮಿ ನೋಟ್ 15 SE 5G (Redmi Note 15 SE 5G)
*ಶವೋಮಿ ಸಂಸ್ಥೆಯ ರೆಡ್ಮಿ ನೋಟ್ 15 ವಿಶೇಷ ಆವೃತ್ತಿಯು ಏಪ್ರಿಲ್ 2 ರಂದು ಮಾರುಕಟ್ಟೆಗೆ ಬರಲಿದೆ.
*ವಿನ್ಯಾಸ: ಈ ಫೋನ್ ಕೇವಲ 7.35mm ನಷ್ಟು ತೆಳ್ಳಗಿರಲಿದ್ದು, ಸ್ಲಿಮ್ ಲುಕ್ ಹೊಂದಿದೆ.
*ಪ್ರೊಸೆಸರ್: ಇದು ಸ್ನಾಪ್ಡ್ರಾಗನ್ 6 ನೇ ಜನರೇಷನ್ 3 ಪ್ರೊಸೆಸರ್ನಿಂದ ಚಾಲಿತವಾಗಿದೆ.
*ಕ್ಯಾಮೆರಾ: 50 ಮೆಗಾಪಿಕ್ಸೆಲ್ ಪ್ರಾಥಮಿಕ ಕ್ಯಾಮೆರಾ ಇದ್ದು, ಇದು 4K ವಿಡಿಯೋ ರೆಕಾರ್ಡಿಂಗ್ ಬೆಂಬಲಿಸುತ್ತದೆ.
*ಬ್ಯಾಟರಿ: 5800 mAh ಬ್ಯಾಟರಿ ಮತ್ತು 45W ಫಾಸ್ಟ್ ಚಾರ್ಜಿಂಗ್ ವ್ಯವಸ್ಥೆ ಇಲ್ಲಿದೆ.
ನೀವೇನಾದರೂ ಹೊಸ ಫೋನ್ ಖರೀದಿಸುವ ಆಲೋಚನೆಯಲ್ಲಿದ್ದರೆ, ಈ ವಾರದ ಬಿಡುಗಡೆಗಳ ಮೇಲೆ ಒಂದು ಕಣ್ಣಿಡಿ. ಈ ಎಲ್ಲಾ ಫೋನ್ಗಳು ಅಮೆಜಾನ್, ಫ್ಲಿಪ್ಕಾರ್ಟ್ ಮತ್ತು ಅಧಿಕೃತ ವೆಬ್ಸೈಟ್ಗಳಲ್ಲಿ ಲಭ್ಯವಿರಲಿವೆ.
